Latest News

Fall Army Worm thunun tawh-ah in ngai

Mizoram hmun hrang hranga Vaimim eichhetu Pangang, Fall Army Worm (FAW) Pangang puang chu la reh fel chiahlo mahse thunun thawkhat a ni tawh.

Agriculture Department-a Additional Director, James Lalsiamliana chuan Fall Army Worm hi Mizoram hmun hrang hranga Vaimim chinna hmunah chuan a puang deuh vek niin a sawi a. Tunah hi chuan Vaimim kung a len tawh avang leh Department hnathawktute leh Vaimim chingtute’n thawhhona tha tak nena an vil that avangin pawi nasa tak khawih tawh lova, thunun a ni, a ti.

Pangang thah nan hian rannung thahna hlo bakah Bangladesh siam sahbawn sen tui an hmang tangkai hle tih pawh sawiin, ruahtui tlak hnu-ah Pangang hi a che thei vak lo niin Vaimim chingtute chuan an sawi bawk.

Fall Army Worm Pangang hi kum 2019 khan Mizoram-ah a puang tan a, nikum-ah pawh a lo lang leh a. Vaimim chingtute’n a tihrem dan an thiam tawh avangin a thawk na lo telh telh niin James Lalsiamliana chuan a sawi a. Kumin-ah hian Vaimim thar zat tur a tihniam phalo tura an ngaih thu a sawi bawk.

Comments

Popular News (Last 30 Days)