Ni khat-a hri kai hmuhchhuah la tlahniam theilo

/

Mizoram-a COVID-19 hri kai hmuhchhuah chuan hniam lam ala pan thei tak tak lova. Niminpiah khan Sample 3967 enfiah leh niin hri kai 317 zet hmuhchhuah leh niin Sample enfiah atanga za zela 7.99 te chuan hri an kai a ni.

Niminpiah khan ZMC Laboratory-ah Sample 1451 enfiah niin heng atang hian COVID-19 hri kai mi 128 hmuhchhuah an ni a, an vai hian Aizawl District-a Sample lak vek niin hri kai hmuh tamna Saron Veng-ah hri kai 32 hmuh niin Electric Veng-ah hri kai 23 hmuh an ni bawk. Hri kai hmuhchhuah te hi inkhunghrang lai vek niin mi pakhat tihloh chu hri kai tawh nen inkawmhnaihna nei an ni a, pakhat hi tunhnaia State pawn atanga rawn haw a ni thung.

District hrang hranga TrueNat Laboratory-ah Sample 337 enfiah leh ni bawkin heng atang hian COVID-19 hri kai mi 21 hmuh an ni a. Kolasib District-ah hri kai 10 hmuh niin an zinga 6 te chu Bairabi khua an ni. Siaha District-ah hri kai mi 6 hmuh niin Siaha vek an ni a, Lunglei District-ah hri kai mi 4 hmuh niin an zinga pahnih te chu Lawngtlai mi an ni thung a. Khawzawl District-ah hri kai pakhat hmuh a ni bawk.

Rapid Antigen Test hmangin niminpiah khan Sample 2179 enfiah niin heng atang hian COVID-19 hri kai 168 zet hmuhchhuah an ni bawk a, an zinga 123 te chu Aizawl District-a hri kai hmuhchhuah niin Saron Veng atangin hri kai 27 zet hmuhchhuah an awm bawk a, Saron Veng atang hian niminpiah khan hri kai 59 zet hmuhchhuah an awm a ni. Aizawl District-a hri kai hmuhchhuah zingah hian hri kaina hriatloh leh chhui zui ngai mi 73 zet an awm leh bawk a ni.

Heng bakah hian Lawngtlai District-ah hri kai 15 hmuh niin Kamalanagar vek an ni a, Kolasib District-ah hri kai 11 hmuh niin an zinga mi 7 te chu Bualpui khua niin hri kaina hriatloh an ni. Lunglei District-ah hri kai mi 8 hmuh niin Lunglei khawchhung ami vek an ni a, Siaha District-a hri kai mi 7 hmuhchhuah te pawh Siaha khawchhung mi vek niin Serchhip District-ah hri kai mi 2 hmuh an ni a, Mamit leh Saitual District-ah hri kai pakhat ve ve hmuh an ni bawk.

Mizoram-a COVID-19 hri kai zingah nimin khan nunna chan awm belh lehin nimin chawhma dar 10:10 khan Chuangsangluri (71), Bawngkawn chu ZMC-ah a boral a, ani hi May 31-a COVID-19 hri kai hmuhchhuah kha niin chawhnu dar 1:00 khan Renghnuni (54), ITI Veng chu ZMC-ah a boral leh bawk a, June 1-a hri kai hmuhchhuah a ni.

Nimin thlenga Mizoram-a COVID-19 hri kai hmuhchhuah chu 13,994 zet an tling ta a, nimin khan Mizoram-a hri kai 216 te chu enkawl dam niin hri kai zingah 10,769 te chu enkawl dam an ni tawh a, hei hi hri kai hmuhchhuah atangin zaa 76.95 niin tunah hian hri kai enkawllai 3168 leh nunna chan mi 57 an awm tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »