Latest News

MIS-C ni thei-a lang Mizoram-ah hmuh a ni

Synod Hospital, Durtlang-a naupang damlo enkawl pakhat chu natna chi khat, a bik takin naupang COVID-19 lo vei tawh a awm ve thin Multisystemic Inflammatory Syndrome in Children (MIS-C) case ni thei a ngaih a ni.

Multisystemic Inflammatory Syndrome in Children (MIS-C) hi natna chi khat, a bik takin naupang COVID-19 lo vei tawhte a awm ve thin niin Taksa khawl hrang hrang - Lung, Chuap, Thisen zam, Kal, Thluak, Vun leh Mit te he natna hian a khawih buai thei a. MIS-C hi COVID-19 vei dam tawhte ah a langchhuak thei a, hetiang a lo thlen hian COVID-19 hrik chu an taksa ah a la awm reng tihna erawh a ni kherlo thung.

MIS-C ni a lang hi mipa naupang kum ruk mi niin Delhi atanga lo haw, June 4-a kawthalo leh khawsik vanga Synod Hospital, Durtlang a inentir, admit a nih hnua hmuhchhuah a ni a. Hemi chungchangah hian Dr Pachuau Lalmalsawma State Nodal Officer & Official Spokesperson on COVID-19 leh Dr. R. Lalrintluanga, State Epidemiologist, IDSP te chuan Inrinni khan amah enkawlna hmun hi tlawh nghalin Dr. John Malsawma, Senior Consultant Paediatrics hnen atanga belhchian a nih hnuah MIS-C a ni theia a lan avangin Emergency Medical Relief (EMR), New Delhi in an lo zirchian turin IDSP chuan Inrinni vek khan MIS-C Report Form hmangin an report an thawn nghal a ni. MIC-C case hi India ramah 2000 chuang hmuhchhuah a ni tawh a ni.

Comments

Chhiar Hlawhte