Serchhip District-a COVID-19 dona a Incident Commander leh an bial siamthat a ni

Serchhip District chhunga Magistrate, COVID-19 dona atana Incident Commander-a ruatte leh an bial chu tunhnai khan tih danglam a ni.

Hemi chungchanga Serchhip District Bawrhsap in thuchhuah a siamah chuan Incident Commander atan hian mi 8 ruatchhuah niin Thenzawl SDO (Civil), Amol Srivastava (Ph. No. 9801832455) chuan Thenzawl Town, Buangpui, Neihloh, Zote South leh Kanghmun South bialin Serchhip SDO (Sadar), C. Laltleipuii (Ph. No. 9862860325) chuan New Serchhip North, New Serchhip South leh P&E Veng VC te a bial ang. Serchhip Election Officer, Vanlalhmachhuana (Ph. No. 986223734) chuan Keitum, Bungtlang, Thinglian, Hmunzawl, Rullam, Lungpho, Ngentiang, Hualtu, Kawnpui North leh Serchhip Kawnpui VC te bialin North Vanlaiphai SDO (Civil), Dorothy Muansangi (Ph. No. 9774066872) chuan North Vanlaiphai, Lungkawlh, Sialsir, Bawktlang leh Lungchhuan te a bial ang. Lalzikpuii, Settlement Officer (Ph. No. 9612034469) chuan Chanmari, Vengchung, Hmar Veng leh Field Veng te bialin C. Zadailova, DCSO (Ph. No. 9436154116) chuan Chhiahtlang, Khawbel, Hmuntha, Thentlang, Sialhau, Vanchengte, Chhingchhip Mualpui leh Chhingchhip a bial ang. East Lungdar BDO, H. Lalhruaitluanga (Ph. No. 8131852226) chuan East Lungdar, Mualcheng, Leng, Sailulak, Khawlailung, Piler leh Chekawn te bialin F. Lalnisai, SDC (Ph. No.7048922407) chuan Buhkangkawn, Baktawng, Chhuanthar Tlangnuam, Khumtung, Hmawngkawn, Hriangtlang, Dinthar, Darnam leh Chhim Veng te a bial dawnbawk a ni.

VLTF ten an bial chhunga Covid-19 kaihhnawiha harsatna leh hriatchian duh an neih chuan bialtu Incident Commander theuhte biakpawh thin tur a ni anga, Incident Commander-te pawhin an bial chhunga Covid-19 Executive Duty, Police Duty leh VLTF-te duty dante an enfiah thin bakah tul leh mamawhah ruahmanna an siampui thin ang. COVID-19 dona atana thawktu sawrkar Department hrang hrangte nen an tul anga inbepawpin hma an lak bakah an bial chhunga Community Quarantine Center leh Community Covid Care Center-te a tul angin an enpui thin anga. An bial chhunga thil thleng hmalak zui ngai a awm chuan District Administration-ah rang takin an thlen thin dawn bawk a ni.