Latest News

Vawk thi la awm belh zel

Serchhip District-a Vawk hri, African Swine Fever lenna hmunah Vawk thi ala awm belh zel a, nimin chhung thlenga Vawk thi chu 133 a tling tawh.

AH&Vety Department in an chhin-chhiahna atanga a lan danin nimin chawhnu dar 1:00 atanga chhiarletin darkar 24 kalta chhungin New Serchhip huamchhungah Vawk thi 9 a awm leh a, heng zinga 8 hi Vawk puitling an ni a, heng te nen hian New Serchhip-a Vawk thi chhin-chhiah hi 65 zet a tling tawh a ni. Hei bakah hian East Lungdar-ah Vawk thi pakhat a awm belh leh bawk a, East Lungdar-a Vawk hri leng vanga thi hi 46 an ni tawh bawk a ni. Heti hian Serchhip District-a Vawk hri lenna hmuna Vawk thi chhinchhiah hi 133 a tling tawh a ni.

Nimin lamah Serchhip lamah chhan hriatloh a Vawk thi pakhat a awm belh leh a, heti hian Serchhip-a chhan hriatloha Vawk thi chu 17 zet ni tawhin Serchhip District chhunga chhan hriatloh a Vawk thi zawng zawng chu 28 an tling tawh bawk a ni.

Comments

Popular News (Last 30 Days)