Hri kai leh dam awm belh zel

Inrinni-a Sample enfiah atangin Serchhip District-ah COVID-19 hri kai pakhat hmuh belh a ni a, Inrinni-ah hri kai mi 19 enkawl dam niin nimin-ah enkawl dam an awm belh lo thung.

Inrinni khan Serchhip District-a TrueNat Laboratory-ah Sample 35 enfiah niin heng atang hian COVID-19 hri kai hmuh an awm lova, Rapid Antigen Test hmangin Sample 151 enfiah niin hri kai mi 2 hmuh an ni a, heng hri kai hmuh-chhuah te hi Thenzawl a sample lak ve ve niin pakhat hi hri kai tawh nen inkawmhnaihna nei niin pakhat hi hri a kaina hriatloh leh chhuizui ngai a ni thung.

Inrinni khan Serchhip District-a hri kai mi 19 te chu enkawl dam niin anmahni enkawlna hmun atanga chhuahtir an ni a, heng mite hi IAH Thenzawl atangin mi 10 leh 4C Keitum atangin mi 7 bakah Nursing School CCC leh 4C Chhing-chhip-a enkawl mi pakhat ve ve te an ni.

Heti hian nimin thlenga Serchhip District-a COVID-19 hri kai hmuhchhuah chu 649 an ni ta a, an zinga 559 te chu enkawl dam ni tawhin tunah hian hri kai enkawllai 87 an la awm mek a, hri kai zingah nunna chan mi 3 an awm tawh bawk a ni.