Hri kai enkawllai 18 awm

Serchhip District-a Sample enfiah atangin niminpiah khan COVID-19 hri kai mi 3 hmuh an ni a, nimin khan mi 2 enkawl dam niin Serchhip District-ah hri kai enkawllai mi 18 an awm mek a ni.

Niminpiah khan Serchhip District-a TrueNat Laboratory atangin Sample enfiah a awm lova, Rapid Antigen Test hmangin Sample 129 enfiah niin hri kai mi pathum te hi hmuhchhuah an ni thung. Heng hri kai hmuhchhuah te hi Chhiah-tlang-a mi 2 leh Chhingchhip a mi pakhat an ni a. Chhiahtlang-a hri kai te hi pafa niin a pa zawk hi tunhnaia Aizawl-a kal, hri kai nen inkawm-hnaihna nei niin a rawn haw hnuah mahni in chik-a awmin a chenpui, a fapa nen Sample enfiah ah hri an kai tih hmuhchhuah a ni a. Chhingchhip-a mi pawh hi hri kai tawh nen inkawmhnaihna nei an ni bawk.

Nimin khan Serchhip District-a CO-VID-19 hri kai enkawl mi 2, Integrated AYUSH Hospital, Thenzawl atangin chhuahtir an ni ve leh thung a, heti hian nimin thlengin Serchhip District-a hri kai hmuhchhuah chu 658 niin an zinga 637 te chu enkawl dam an ni tawh a, tunah hian hri kai enkawllai mi 18 la awmin hri kai zingah nunna chan mi 3 an awm tawh bawk a ni.