Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Rualbanlo hri kai te enkawl dan tur ruahman

Mizoram sawrkar chuan Mizoram-a rualbanlo zingah COVID-19 hri kai an awm a nih chuan anmahni enkawl dan ruahmanna a siam.

Hemi chungchangah hian Health & Family Welfare Department thuchhuah siamin DCH/DCHC/CCC/CCCC-a Covid-19 vei, rualbanlote enkawl dan tur hi a tarlang a, rualbanlo hri kai, mahni a inenkawl theilo tan awmpui neih phal niin DCH eh District tina CCC pakhat tal ah Wheel-chair a luh theihna Ward ruahman tur a ni a. Heng Ward-a inthiarna te hi Wheel Chair hmang tan a hman theih tur a siam rem tur a ni. Ward pakhat tan inthiarna pakhat chauh a awm a nih chuan a awmchhun chu mitin tan a hman theih tura (wheelchair hmang tiamin) siam rem tur a ni ang. Heng COVID-19 vei enkawlna hmuna test kalpui dan/damlo enkawl dan/ei in sem dan etc. chu rualbanlo te dinhmun hre rengin, a tul anga siam rem tur a ni anga, mahni a insaseng theilo an awm thin avangin, an kawr thlak chhung etc. a privacy an neih theihna turin an hman tur Portable Screen/Parda chu Ward-ah kawl tur a ni bawk ang.

Comments

Chhiar Hlawhte