Latest News

Central Jail-a tang zingah hri kai 96 awm tawh

Tunhnaia hri kai hmuhchhuahna, Central Jail, Aizawl-ah hri kai mi 96 hmuhchhuah an ni tawh a, mi engemaw zat khunghran an la ni bawk.

Thudawn danin Central Jail a COVID-19 hri kai hmuhchhuah tawh mi 96 atangin Inrinni thleng khan mi 34 te chu enkawl dam an ni tawh a, hri kai zinga pakhat chu ZMC-ah enkawl niin thubuai tenau nei, tunhnai a Court in a chhuah zingah hei kai pakhat awm bawkin, midang zawngte chu Central Jail chhunga Covid veite enkawlna hmun CCC-ah enkawl mek an ni. Central Jail-ah hian tunhma lam a hmeichhe Jail hlui chu Covid vei te enkawlna atan buatsaih niin, chung Ward 5 leh Cell pakhat chu Central Jail-a Medical Staff awm sa, Doctor pakhat leh Nurse 3 ten vilin, a theih ang angin Central Jail Staff ten an puibawm thin bawk a ni.

Central Jail-ah hian tun dinhmun ah mitang mi 500 chuang hret awm mekin, hri kai hmuh hmasak ber mi 20 te chu May 24, 2021 khan RAgT atangin hri an kai tih hmuhchhuah a lo ni tawh a, hemi hnu June 5-a Sample endik ah mi 43 in hri an kai tih hmuhchhuah leh a ni. Sawrkar thuchhuah tarlan danin, hri kai hmuhchhuah hmasak ber mi 20 te hi May 5, 2021-a tang dah thar atanga kai chhawng nia ngaih an ni.

Covid-19 hri leng chungchang ah Central Jail dinhmun in ziaawm lam an pan ah ngaih a nih rualin, hri vei hmuhchhuah te nen a tir a awm ho, test-na a negative result la nei si te an awm a, chung mite chu test la hmabak an la nih avangin an dinhmun chiang taka sawi mai theih a la ni rihlo thung.

Comments

Popular News (Last 30 Days)