Mizoram-ah hri kai 19,324 hmuh an ni tawh

/

Inrinni khan Mizoram-ah Sample 3575 enfiah niin heng atang hian COVID-19 hri kai 233 hmuh an ni a, Mizoram-a hri kai hmuh tawh zawng zawng chu 19,324 an tling tawh a ni.

Inrinni khan ZMC Laboratory-ah Sample 1099 enfiah niin heng atang hian COVID-19 hri kai 59 hmuh an ni a, an zinga 51 te chu Aizawl District-a Sample lak te niin hri kai tawh nen inkawmhnaihna neih atanga kaichhawng an ni hlawm a. Lunglei District atanga Sample lak-ah hri kai mi 8 hmuh niin an zinga 6 te chu Lunglei khawpui chhunga cheng niin midang pahnih hi tunhnaia State pawn atanga rawn lut an ni thung.

Mizoram District hrang hranga TrueNat Laboratory-ah Sample 212 enfiah ni bawkin heng atang hian COVID-19 hri kai 20 hmuh an ni a, heng zinga 8 te chu Lunglei District-a hri kai hmuhchhuah niin Mamit District-ah hri kai mi 6 hmuh an ni bawk a, Champhai District-ah hri kai mi 3 hmuh niin Aizawl District-ah 2 leh Saitual District-ah pakhat hmuh an ni bawk.

Inrinni khan Mizoram pumah Rapid Antigen Test hmangin Sample 2264 enfiah niin heng atang hian hri kai mi 154 zet hmuhchhuah an awm bawk a, an zinga 76 te chu Aizawl District-a hri kai hmuh te niin Central Jail-a tang mek zingah hri kai 8 hmuh belh leh an ni a, Aizawl Chanmari-ah hri kai 10 hmuh an ni bawk. Heng bakah hian Kolasib District-ah hri kai mi 41 hmuh niin Mamit District-ah hri kai 12 hmuh an ni bawk a, Lawngtlai District-ah hri kai mi 11 hmuh awm bawkin Lunglei District-ah 7, Siaha District-ah 5 leh Saitual leh Hnahthial District-ah hri kai pakhat ve ve hmuh an ni bawk.

Heti hian nimin thlenga Mizoram-a COVID-19 hri kai hmuh tawh chu 19,324 an tling tawh a, nimin khan hri kai zingah mi 122 te chu enkawl damin anmahni enkawlna hmun atanga chhuahtir leh an ni a, heti hian nimin thlenga hri kai enkawl dam chu 15,040 niin tunah hian hri kai enkawllai 4193 an la awm mek a, hri kai hmuhchhuah atanga za zela 77.83 te chu enkawl dam an ni tawh a ni.

Hri kai zingah mi 91 an boral tawh :

Mizoram-a COVID-19 hri kai zingah nimin thleng khan mi 91 zet an boral tawh. Inrinni khan Mizoram-a COVID-19 hri kai mi 2 boral lehin Inrinni zing dar 9:45 khan Lalhuamliana (85), Saron Veng Aizawl chu ZMC-ah a boral a, June 3-a hri kai hmuhchhuah niin hemi hnu Inrinni chawhma dar 11:30 khan Lalhmachhuana (39), Chanmari Veng Aizawl chu ZMC ah hian a boral ve leh bawk a, ani hi June 16-a hri kai hmuhchhuah a ni. Heti hian nimin thleng khan Mizoram-a COVID-19 hri kai zingah mi 91 an boral tawh a, hei hi hri kai hmuhchhuah atanga chhutin za zela 0.47 a tling a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »