Latest News

ZPM in Random Test tihtawp chhan pawm theilo

ZPM Party chuan COVID-19 hri leng mekah sawrkar in Random Test a tihtawp chhan chu an pawm theilo tih an sawi.

Nimin-a thuchhuah an siamah ZPM Party chuan Medical Operational Team Chairman Dr. ZR. Thiamsanga’n vantlang-a hrikai zawn hna (random test) kalpui loh chhan, “Kan hmu teuh anga, a enkawlna tur kan nei dawn si lova, a buaithlak dawn lutuk a ni,” tia a sawi thu tarlangin, Sawrkarin hripui a hmachhawn dan chu mak an tih thu leh an pawm theihloh thu an sawi a. Mizoram-ah hri kai hmuhchhuah tam ber ni a indawt zut a, chutih laia enkawl dan ngaihtuah peih loh vanga 'A tlak tlak vanduai' tih ngawt mai chu khua leh tuite chunga mawh phur peihloh vangah an ngai tih sawiin, thi leh dam kara leng mipuite bihruksan mai lo turin sawrkar chu an ngen tih an sawi a. Hri kai hmuh-chhuah ran apiang enkawl dam awlsamin, inkaidarh tur venna tangkai bera ram dangte pawhin an ngaih chu a veite hmuhchhuah ran a, dahhran a, enkawl dam a ni tih sawiin, Random test hi hri leng chhutchahna hmanraw tangkai ber pawl-a ngaih a nih avangin chhunzawm leh ngei turin sawrkar chu an ngen bawk.

ZPM chuan lungrual taka hripui do a nih theih nan Joint Party Meeting emaw, Joint Legislature Party Meeting emaw, Special Session hial emaw tal ko tura vawi tam tak thurawn an pe tawh tih sawiin, Vawiin thlengin a la ngen hlawhtling lo chu mak an ti takzet tih an sawi bawk.

Comments

Chhiar Hlawhte