Ni khat-a hri kai hmuhchhuah tlhniam hret

/

Niminpiah khan Mizoram-ah Sample 3581 enfiah niin heng te atang hian COVID-19 hri kai 210 hmuhchhuah an ni a, Sample enfiah atanga za zela 5.86 te chuan hri kaiin Sample enfiah atanga hri kai hmuh hi nidang aiin a tlahniam nasa hle a ni.

Niminpiah khan ZMC Laboratory-ah Sample 948 enfiah niin heng atang hian COVID-19 hri kai mi 18 hmuh an ni a, an vai hian Aizawl District-a Sample lak te niin hri kai hmuhchhuah tawh te nen inkawmhnaihna neih atanga hri kai niin hemi avanga inkhunghrang lai vek an ni bawk.

District hrang hranga TrueNat Laboratory-ah Sample 235 enfiah niin heng atang hian COVID-19 hri kai mi 19 hmuhchhuah ni bawkin heng zinga 17 te chu Lunglei District ami an ni a, Lunglei khawpui chhung mi, hri kai tawh nen inkawmhnaihna neih avanga inkhunghrang lai an ni a, hri kai hmuhchhuah dang pahnih hi Champhai District ami te an ni thung a, tunhnaia State pawn atanga rawn lut, inkhunghranna hmuna awmlai an ni bawk.

Mizoram District hrang hrangah niminpiah khan Rapid Antigen Test hmangin Sample 2398 enfiah a ni bawk a, heng atang hian hri kai 173 zet hmuhchhuah an ni thung a, an zinga mi 126 te chu Aizawl District-a hri kai hmuhchhuah niin Aizawl Electric Veng-ah hri kai mi 19 zet hmuhchhuah an ni a, Dinthar Veng-ah hri kai mi 16 leh Sairang Dinthar ah hri kai 15 hmuh an ni bawk.

Rapid Antigen Test hmang hian Lunglei District-ah hri kai mi 18 hmuh ni bawkin an zinga 15 te chu Lunglei khawpui chhung ami an ni a, Lawngtlai District-ah hri kai mi 16 hmuh niin Kamalanagar ami te vek an ni a, Kolasib District-ah hri kai mi 10 hmuh niin Mamit District-ah hri kai mi 2 leh Siaha District-ah hri kai mi pakhat hmuh an ni bawk.

Nimin khan Mizoram-a COVID-19 hri kai enkawl mi 254 te chu hri lakah fihlimin anmahni enkawlna hmun atanga chhuahtir leh an ni a, heti hian nimin thlenga Mizoram-a COVID-19 hri kai hmuhchhuah chu 14,743 niin heng zinga 11,358 te chu enkawl dam an ni tawh a. Hei hi hri kai hmuhchhuah atanga chhutin za zela 77.03 niin tunah hian hri kai enkawllai 3323 an la awm mek a ni.

Hri kai zingah nunna chan awm belh leh :

Mizoram-a COVID-19 hri kai zingah nimin khan nunna chan awm belh lehin Mizoram-a hri kai zingah nunna chan mi 62 an awm ta. Nimin-a COVID-19 hri kai zinga nunna chan hi C. Vanlawma (75), Chaltlang Veng niin June 1, 2021 khan hri a kai tih hmuhchhuah a ni a, hemi ni hian ZMC-ah dahluh niin nizan dar 8:15 khan a boral zui ta a ni. Heti hian Mizoram-a hri kai zingah nunna chan mi 62 awmin tun thla hian nitin nunna chan an la awm ziah bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »