Hri kai mi 20 an dam leh

/

Serchhip District-a COVID-19 hri kai te zingah nimin khan mi 20 enkawl dam niin Serchhip Town chhunga hri kai hmuhchhuah zingah enkawllai an awm tawh rihlo.

Nimin-a Serchhip District-a hri kai enkawl dam mi 20 zinga mi 12 te hi IAH Thenzawl atanga chhuahtir an ni a, Nursing School CCC atangin mi 4 bakah 4C Keitum leh 4C Chhingchhip atangin mi pahnih ve ve chhuahtir an ni. Nimin-a hri kai enkawl dam zingah hian Serchhip Town chhunga hri kai hmuh hnuhnung ber, Leisang Veng ami chu a tel a, heti hian Serchhip Town chhung mi hri kai hmuhchhuah te chu enkawl dam kim niin 4C Keitum-a hri kai enkawl te pawh an dam kim ta bawk a ni.

Nimin-a Sample enfiah zingah hri kai mi pakhat hmuhchhuah a ni thung a, hri kai hmuh hi Keitum khua niin a chhungte zingah hri kai hmuhchhuah Nursing School CCC-a awmpuitu nia thudawn a ni.

Heti hian nimin thleng khan Serchhip District-ah hri kai 650 hmuhchhuah an ni tawh a, an zinga mi 579 te chu enkawl dam ni tawhin tunah hian hri kai enkawllai 68 an la awm mek a, hri kai hmuhchhuah zingah nunna chan mi 3 an awm tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »