Latest News

CSR kaltlangin bungrua hlan

Corporate Social Responsibility (CSR) kaltlanga Lunglei District in Medical lam kaih-hnawih bungrua chi hrang hrang a dawn te chu nimin khan Lunglei thlenpui niin Health Department hotute kutah hlan nghal a ni.

Lunglei District Bawrhsap, Kulothungan A IAS hmalakna in India ram chhung hmun hrang hranga NGO Foundation/Company/Corporation-te atangin CSR kaltlangin Lunglei District bakah Mizoram chhimlam mipuite tana hlawkpui leh tangkaipui theih tur Medical lam kaihhnawih bungraw hrang hrang dil te hi dil a ni a.

Heng zingah hian Medical Oxygen For All (MOFA), New Delhi atangin Oxygen Concentrator paruk (6) a thawn man te nen Rs. 6,50,000/- man hu dawn niin VISION IAS Academy, New Delhi atangin PPE Kit/Set 1500, N-95 Mask 1500 leh Oximeter 100 (a vaiin a thawn man cheng nuai 20 man hu) dawn bawk.

Heng Medical Equipments te H&FW Department hnena hlanna hi nimin chawhma khan Lunglei DC Office-ah neih niin DC, Kulothungan A chuan Lunglei CMO, Dr. LC. Liana, Medical Superintendent, Dr. SR. Ngurchamliana leh SMO Dr. Lalrinthangi te hnenah a hlan a, Lunglei District chhunga CCC, 4C, CQC leh mamawhna dangah te sem leh tur a ni ang.

VISION IAS Academy hian DC Office, Aizawl hnenah niminpiah khan PPE kit 2000, N95 mask 2000, Surgical Mask 2500 leh Pulse Oximeter 150 te an pe bawk a, heng bakah hian Oxygen concentrator leh medical equipment dang pawh hun reilote ah midang atanga dawn leh beisei a ni. Hun harsa tak kara Vision IAS Academy, New Delhi te inpekna avangin Deputy Commissioner Aizawl chuan Ajay Singh, Founder & Director of Vision IAS Academy chungah District mipui aiawhin lawmthu a sawi a ni.

Comments

Chhiar Hlawhte