Latest News

Mizoram-ah COVID-19 hri kai 419 hmuh belh leh

Mizoram-ah ni khat-a COVID-19 hri kai hmuhchhuah zat ala tlahniam hlei thei lova, niminpiah-a Sample enfiah 3974 atangin hri kai mi 419 hmuh niin Sample enfiah atanga za zela 10.82 te chuan hri an kai a ni.

Niminpiah khan ZMC Laboratory-ah Sample 1217 enfiah niin heng atang hian hri kai mi 59 hmuh an ni a, an vai hian Aizawl District atanga Sample lak leh enfiah an ni a, TNT Camp atangin hri kai mi 16 hmuh leh niin heng mite hi Pathianni-a RAgT hmanga Sample enfiah a hri kailo, RT-PCR hmanga Sample en leh te nia thudawn an ni. Hei bakah hian Khatla-ah hri kai mi 10 hmuh an ni bawk.

District hrang hranga TrueNat Laboratory-ah niminpiah khan Sample 291 enfiah niin hri kai mi 13 hmuh an ni bawk a, an zinga mi 8 te chu Lunglei District-a hri kai hmuh te niin an zinga 7 chu Lunglei khawpui chhung ami niin midang pakhat hi Serchhip District mi, Lunglei lama Sample enfiah a ni a. Aizawl, Siaha, Champhai, Mamit leh Hnahthial District-ah hri kai pakhat theuh hmuh an ni bawk.

Rapid Antigen Test hmangin niminpiah khan Mizoram-ah Sample 2466 enfiah niin hri kai mi 347 hmuh an ni bawk a, an zinga 240 te hi Aizawol District-a hri kai hmuhchhuah an ni a, Central Jail-a tang te Sample enfiahna atangin hri kai mi 105 zet hmuhchhuah leh niin Armed Veng-ah 13, Chanmari-ah 12 leh Chhinga Veng-ah 11 hmuhchhuah an awm bawk. Lawngtlai District-ah hri kai mi 52 hmuh niin an zinga 45 te hi Karlui ami an ni a, Kolasib District-ah hri kai mi 30 hmuh niin Siaha District-ah 14, Lunglei District-ah 8 leh Serchhip, Mamit leh Hnahthial District-ah hri kai pakhat theuh hmuh an ni bawk.

Mizoram-a hri kai hmuhchhuah chu nimin thleng khan mi 18,398 an ni ta a, nimin khan hri kai mi 196 te chu enkawl dam ni lehin heti hian nimin thleng khan hri kai mi 14,096 te chu enkawl dam an ni tawh a, hei hi hri kai hmuhchhuah atangin za zela 76.61 niin tunah hian hri kai enkawllai 4216 an la awm mek bawk a ni.

Mizoram District 11-ah hri kai enkawllai an la awm vek a, Aizawl District-ah hri kai enkawllai tam berin 3410 enkawl mek niin Lawngtlai District-ah 288 leh Kolasib District-ah 203 enkawl an awm bawk.

Mizoram-a hri kai zingah mi 86 an boral tawh :

Mizoram-a COVID-19 hri kai zingah nunna chan an awm belh zel a, hri kai zingah nunna chan mi 86 an tling tawh a ni. Mizoram-a hri kai te zing ami C. Lalkamlova (78), Saron Veng Aizawl chu nimin zing dar 5:35 khan ZMC-ah Internal Bleeding vangin a boral a, June 6 khan hri a kai tih hmuhchhuah niin niminpiah-a RT-PCR hmanga a Sample enfiah ah hri a kai tawhlo tih hmuh ni mah se COVID-19 kaihhnawih a boral a nih avangin COVID-19 hri kai boral-ah chhiar a ni thung.

Comments

Popular News (Last 30 Days)