Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Hri kai 638 an tling tawh

Niminpiah khan Serchhip District-ah COVID-19 hri kai mi 5 hmuhchhuah niin nimin thleng khan Serchhip District-ah hri kai mi 638 hmuh an ni tawh.

Niminpiah khan Serchhip District atanga Sample lak, ZMC RT-PCR khawl hmanga enfiah 72 atangin COVID-19 hri kai mi 2 hmuh an ni a, heng hri kai hmuhchhuah te hi Chhingchhip atanga Sample lak niin SGI Pvt. Ltd. hnuaia thawk tura State pawn atanga rawn lut, hri kai hmuhchhuah tawh nen inkawmhnaihna neih avanga inkhunghrang lai an ni. Niminpiah khan TrueNat Laboratory-ah Sample 27 enfiah niin hri kai mi 2 hmuh an ni a, Rapid Antigen Test hmanga Sample 46 enfiah ah hri kai hmuh-chhuah an awmlo thung.

Nimin khan Serchhip District-a COVID-19 hri kai enkawl mi 2 te chu hri lakah fihlimin Keitum-a 4C atangin chhuahtir an ni ve leh bawk a, nimin lamah he thu buatsaih lai thleng hian hri kai hmuhchhuah thar an awmlo a ni.

Heti hian nimin tlai thleng khan Serchhip District-a COVID-19 hri kai hmuhchhuah chu mi 638 an tling ta a, hri kai hmuhchhuah zingah hian mi 524 te chu enkawl dam ni tawhin tunah hian hri kai enkawllai mi 111 an la awm mek a, hri kai zingah nunna chan mi 3 an awm tawh a ni.

Comments

Chhiar Hlawhte