Latest News

Pu Ziona vui hun tur sawi theih ala ni lo

Lalpa Kohhran thar, Chhuanthar Tlangnuam chuan Pu Ziona vui hun tur chu sawi theih ala nih loh thu an sawi.

Nimin-a thuchhuah an siamah Lalpa Kohhran thar, Chhuanthar Tlangnuam-a Secretary, Zaitinkhuma chuan Chhuanthar Hruaitu Pu Ziona (77) chu June 13, 2021 tlai dar 3:00 khan Trinity Hospital, Aizawl-ah a boral thu puan a ni tih sawiin, amaherawh chu Doctor ten a thi tih hi confirm in puang tawh mahse, a chenna thlenpui a nih hnuah, a mar te rawn phu thar lehin,  nimin June 14, 2021 chawhnu lam thleng hian, amah hi a pangti a la lum a, Oximeter-ah a marphu la awm in a taksa pawh a la khawng lo niin an sawi a. Heti chung a invui liam mai hi a nupui fanau, tu leh fate bakah, Chhuanthar mipui ten thil tih chi ah an ngailo tih sawiin, “A pangti a la lum a, a marphu la awm chhung leh a taksa khawng hma loh chu vuiliam mai kan la tum loh avangin, Pu Ziona vui hun hi tun dinhmun ah chuan sawi theih a la ni lo tih kan in hriattir e,” an ti a ni.

Khuangtuaha leh Chana te unau hi Hmawngkawn lal in a hnawhchhuah vanga Baktawng a pem phei anga sawi awm chu a diklo tih pawh tarlangin, “Mizoram buai khaw khawm avanga Sipai in an pem luih tir vang a pem phei an ni zawk,” tiin “Hmawngkawn Lal Pu Vanphunga leh a fapa Pu Lalhluna te hian Pu Khuangtuaha leh Pu Chana te unau hi an duhsak em em a, lal dang in an khua a awm tur a an duh loh laiin, an khua Hmawngkawn ah an chentir zawk,” an ti bawk.

Comments

Chhiar Hlawhte