Latest News

MZP hruaitu ten SP an kawm

Mizo Zirlai Pawl (MZP) Hqrs. Serchhip te chuan nimin khan Serchhip SP, Stephen Lalrin-awma kawmin hnamdang ILP chungchang leh thil pawimawh dang te an sawipui.

Nimin-a SP an kawmna hunah hian MZP Hqrs. Serchhip hruaitute hi an President, H. Lallawmkima hova kalin Serchhip khawpui chhungah ILP neilo hnamdang engemaw zat an awm ni a an hriat thu leh Hnamdang mi, dan lova sumdawnna kalpui an awm chungchang te an thlen a. Heng bakah hian Police Department te nen tangho a Serchhip khawpui a zirlaite tan Career Awareness neih chungchang te leh Serchhip a hmasawnna tur hrang hrangte an sawipui bawk.

He inkawmna hunah hian Serchhip SP, Stephen Lalrinawma chuan ILP neilo leh dan lova sumdawnna kalpui te chu an ngaihmawh thu leh man chhuak tura theihtawpa hma an lo lak tur thu a sawi a, MZP ten kawng hrang hranga hmalak ho an rawtna pawh tha a tih thu leh ngaih-tuahna an lo sen tur thu a sawi bawk.

Comments

Popular News (Last 30 Days)