Mamit District Bawrhsap in Chuhvel ram a tlawh

/

Mamit District Bawrhsap, Dr. Lalrozama chuan tunhnaia Chuhvel ramchhunga thil thleng chungchangah Inrinni khan Chuhvel ram a tlawh.

Assam leh Mizoram inrina Chuhvel ramchhunga thla hlui May 30-a John Haliday-a Thlam sak Assam lam mi Police uniform ha engemaw zatin kalchilha sa chhunzawm tawhlo tura an tih chung-changah Mamit DC chuan helai hmun hi tlawhin Chuhvel leh Saikhawthlir khawtlang hruaitu VC leh YMA te'n an lo dawngsawng a, District Bawrhsap hian ram pass-na lehkha hlui awm ang angte lo indapkhawm tura hrilhin, Sawrkar lamah hmalak zel a ni dawn tih a sawi a. Mipuite chu chi-ai lo tur leh sawrkar hmalakna ngaichang thiam turin a ngen bawk.

Hemi hmalam Zirtawpni khan Haila-kandi DC leh SP te chuan Hnanglui zau-a John Haliday-a Thlam hi an lo tlawh tawh bawk a. Hei vang hian mipui an chi-ai phah thu sawiin Mamit DC chuan, Hailakandi DC hi lehkha thawnin, helai hmun hi Assam Official te'n rawn tlawh tawh loh turin a hrilh bawk.

Chuhvel ram chhunga buaina chungchang ah hian boruak muanawm a awm theih nan IR/MAP Combatant Force engemawzat te chu a hmunah hian nitin patrolling neiin duty thin a ni a. Hei bakah hian Sawrkar chuan CRPF dah turin hmalakna a kalpui mek bawk. Tunah hian John Haliday-a huan leh leilet-ah hian kuhva bakah thlai leh buh a ching tan mek a, tunhma atanga Kolasib hnuaia Minor Irrigation hmalakna lui luanna, Drainage System pawh hmuh tur a awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »