Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Man chawi lovin enkawl mek

Thenzawl-a Integrated Ayush Hospital-a Covid Care Centre (CCC)-a hri kai enkawl te chu mi inphal te pekkhawm hmangin an ei leh in man chawi lovin enkawl an la ni.

Thenzawl-a Vantawng Editor Liantluanga Renthlei hnen atanga thu kan dawn danin Thenzawl-a IAH CCC-ah hian May 21 atang khan hri kai enkawl turte hi dahluh an ni a, tun thlengin mi 38 dahluh an ni tawh a, tunah hian hri kai mi 23 leh heng mite awmpuitu mi 3 an awm mek a. He hri kai enkawlna hmun ah hian a tir atangin mi inphal leh pawl ten tanpuina pein tun thlengin Rs. 94,500/- hmuh a ni tawh a, damdawi supply an neih loh chi pawn lama lei tul bak damlo te hian senso an nei lemlo nia thudawn niin, heng mi inphal te chungah hian an lawm hle tih Medical Officer Dr. David C. Lalrinmawia chuan a sawi a ni.

Serchhip bialtu MLA, Lalduhoma chuan Thenzawl-a COVID-19 hri kai te enkawlna hmun, Integrated Ayush Hospital-a mamawha hman turin nimin khan Rs. 5000/- pein MLA aiawh hian an party hruaitu ten an hlan a ni.

Comments

Chhiar Hlawhte