Hri kai mi 8 hmuh belh leh

/

Nimin khan Serchhip District-ah COVID-19 hri kai mi 8 zet hmuhchhuah belh leh an ni a, Serchhip District-ah hri kai enkawllai mi 24 an awm mek a ni.

Nimin-a Serchhip District-a hri kai hmuhchhuah te hi Serchhip Darnam Veng-a chhungkaw pakhat-a mi 6 bakah Serchhip Dinthar Veng-a mi pakhat leh Mat Phai-a hna-thawk-a awm mi pakhat te an ni a, hri an kaina hriatloh leh chhui ngai te an ni hlawm.

Nimin-a hri kai hmuhchhuah zingah hian nimin lama MRB Serchhip Branch lo dawr an awm avangin nimin lama MRB dawrtu te chu Veng hrang hrangin fimkhur turin an inchah bakah mahni In lama inkhunghrang tura tih an ni bawk a, MRB Serchhip Branch pawh hian thuthar a awm leh hma loh chuan mipuite chu anmahni dawr rihlo turin an ngen bawk.

Nimin khan Serchhip District-a hri kai enkawl zingah dam an awm belh lova, heti hian nimin thleng khan Serchhip District-a COVID-19 hri kai hmuhchhuah chu mi 671 an ni ta a, heng zinga 644 te chu enkawl dam ni tawhin tunah hian hri kai enkawllai mi 24 an awm leh mek a, hri kai zingah nunna chan mi 3 an awm tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »