Latest News

Lunglei HPC hmalakna in Panhnah ching dawn

Lunglei High Power Committee (HPC) Pilot Project, ‘Low Cost polyhouse Betelvine Cultivation’ hnuaia Panhnah ching tura thlante hnenah nimin khan Panhnah phun tur leh hnathawhna tur sum semchhuah a ni.

Heng sum te hi Land Resources, Soil & Water Conservation Office, Lunglei-ah Lunglei HPC Vice Chairman, Lawmawma Tochhawng chuan semin Lunglei in kum khatah Panhnah an eiral chu cheng nuai 100 chuang man vel a ni tih sawiin, kan ramah a tharchhuah ve theih tho avangin, Pilot project hi kalpui a nih thu a sawi bawk.

Low Cost Poly House Betelvine Cultivation hnuaiah hian beneficiary 7 te Panhnah ching tura thlan an ni a, Panhnah chin tur hi Assamese Variety niin, mi pakhatin kung 100 zel dawngin, Shade Net Thirzai leh a phunna tur leh Transportation a hman tur pawisa te pek an ni a, Water Harvesting Structure, Irrigation tihna tur leh Weeding tihna tur an la dawn leh dawn bakah Panhnah chinna tur a In sakna hmanrua chi hrang hrang an dawng bawk a ni.

Comments

Chhiar Hlawhte