Latest News

ASF vanga Vawk thi tam zel

Serchhip District-a khaw 6-ah African Swine Fever (ASF) avanga Vawk thi chu 250 a tling tawh.

Vawk natna hri leng mek, African Swine Fever chuan ziaawm lam ala pan thei lova, nimin chawhnu dar 1:00 atanga chhiarleta darkar 24 kalta chhung khan Serchhip District-ah ASF vangin Vawk 11 lai a thi leh a, heng zinga 9 te hi New Serchhip huamchhung ami niin Chhiah-tlang leh East Lungdar-ah Vawk pakhat ve ve an thi bawk a ni. Heti hian New Serchhip-ah hian ASF vangin Vawk 162 zet a thi ta a, East Lung-dar-ah pawh Vawk 48 thi tawhin Chhiahtlang leh Thenzawl-ah Vawk 15 ve ve a thi a, Keitum ah Vawk 9 leh Vanchengte-ah Vawk pakhat a thi tawh bawk a ni.

Serchhip-ah chhan hriatloh a Vawk thi 124 lai a awm tawh bawk a, nimin-a report-ah Vawk thi 11 lai awm belh lehin Serchhip District-ah khaw 11-ah chhan hriatloh a Vawk thi 140 lai a awm tawh bawk a, heng Vawk thi te zinga thenkhat hi chu ASF vanga thi ni ngeia rin niin tunah hian Sample enfiah tura thawn te pawh a awm mek bawk a ni.

Comments

Chhiar Hlawhte