Latest News

NH. 54 laihzauh mekah zangnadawmna la tawh In la thiat si lo te thiah sak tan an ni

Image
National Highway-54 laihzauh leh siamthat hna thawh mekah Serchhip District chhunga zangnadawmna la tawh, mahni In la thiat lo te chu nimin Nov. 28, 2023 khan Executive Magistrate te kaihhruaina hnuaiah endik leh niin In la thiat lo te chu thiah sak tan an ni.

BJP Serchhip Dist. President in banna thehlut

BJP Serchhip District-a President, PC. Rothangpuia, Thenzawl chuan nimin khan BJP Mizoram State President hnenah BJP Serchhip District President a nihna atanga banna a thehlut.

Nimin a BJP Mizoram Pradesh President hnena banna a thehluh ah hian tuna party dinhmun bakah kalphungte thlirin leh, Serchhip Constituency bye-election neih takte atanga thlirin beidawn thlak hle nia a hriat thu leh tun atan chuan BJP hian inkaihhruaina tha leh felfai zawk te tan hmun a kian phal tih a tarlang a ni. LENKAWL in Phone hmanga a biakna PC. Rothangpuia chuan party erawh tunah chuan chhuahsan tumna a neihloh thu a sawi a, an hruaitu zingah banna thehlut turte pawh an la awm nia a hriat thu a sawi bawk.

Tunhnaiah BJP Mizoram Pradesh chhungkua ah harsatna lian tak a thleng mek niin ngaih theih a ni a, kar kalta Zirtawpni khan BJP State General Secretary pahnih - Malsawmtluanga leh Vanramchhuanga te chuan party-a an nihna atanga banna chu Mizoram State BJP President, Vanlalhmuaka hnenah an lo thehlut tawh a. Anni pahnih hian lehkha ip (envelope) thuhmunah paper pakhatah signature an pe ve ve nia thudawn a ni a. Nimin vek khan BJP Mizoram Pradesh-a State Executive Member, Vanlalhuma Kawlni pawhin a nihna atanga banna hi a thehlut ve bawk a, Vawiin lam hian BJP Mizoram State Thalai President leh party-a thalai engemaw zatin banna an thehluh ve leh dawn nia thudawn a ni bawk.

Comments

Popular News (Last 30 Days)