Lawngtlai-ah ‘Green MJA Day’ hmangin thing phun

/

Mizoram Journalists' Association (MJA) Lawngtlai District in kumtin-a an lo hman tawh thin angin nimin khan Green MJA Day an hmang a, Lawngtlai District Bawrhsap chenna (bungalow) chhehvel ah thingtiak thahnem tak an phun a ni.

Thingtiak phun hmaa inkhawm tawi buatsaihah he hun hmanpuitu Lawngtlai Bawrhsap, Dr. Andrew H. Vanlaldika, Lawngtlai District MJA-a Patron Member chuan MJA te'n thingphun uar tura mipui zirtirna te, enkawl zuinaah tan lak a ngaih thu te an chanchinbua ziah mai duh tawk lova, a taka an thawkchhuak thin chu lawmawm a tih thu a sawi a. Thingphun leh enkawl zui chungchangah District mipuite'n hma an sawn nasa hle nia a hriat thu sawiin, he lama harh tharna awm chho mek chu chhawm nun zel a pawimawh a ni, a ti.

He hunah hian Lawngtlai District MJA President, Lalngheta Ralte chuan Green MJA Day chu tangkai taka an hman thin thu sawiin, mi dangte'n thingphun leh enkawl zui lama tan an lak theih nan anmahni ngei thawkchhuaka kawngpui kam leh sawrkar department hmuna thingtiak phun nan leh thing phun tawh sa enkawla thawmthat nan te an lo hman thin thu a sawi bawk.

Kumina Green MJA Day-a  Lawngtlai DC chenna chhehvela thingtiak an phunte hi Lawngtlai DC lamin a enkawl zui hna an thawk dawn a. Thing tiak hi 20 chuang an phun a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »