Vawk thi awm belh zel

Darkar 24 kalta chhungin Serchhip District-a African Swine Fever lenna hmunah Vawk thi 9 lai a awm leh a, an vai hian Serchhip Town chhung ami vek an ni.

Nimin chawhnu dar 1:00 atanga chhiarleta darkar 24 kalta chhung khan Serchhip District chhunga ASF hri lenna hmunah hian Vawk 9 thi lehin heng zinga 8 chu New Serchhip huamchhung ami a ni a, a dang pakhat hi Chhiahtlang ami a ni thung. Heng Vawk thi 9 zinga 6 hi Vawk puitling niin a note pahnih leh Vawk laklawh pakhat te an ni.

Heti hian Serchhip District chhunga ASF hri lenna hmuna Vawk thi chu 150 a ni ta a, New Serchhip-ah 8 thi tawhin East Lungdar-ah 46, Keitum-ah 9, Chhiahtlang-ah 7, Thenzawl-ah 6 leh Vanchengte-ah pakhat an thi tawh a ni. Darkar 24 kalta chhung khan Serchhip-ah chhan hriatloha Vawk thi 4 lai a awm bakah Sialsir-ah Vawk thi pakhat a awm bawk a, chhan hriatloha Serchhip District chhung khaw 9-a Vawk thi chu 33 lai a ni tawh bawk a ni.