Latest News

Chief Minister in Central YMA hruaitute a kawm

Chief Minister Zoramthanga chuan nimin khan Central YMA hruaitute kawmin Myanmar ram atanga raltlante chhawmdawlna pek chungchang leh thu pawimawh dang an thlen te a sawipui.

Nimin-a Chief Minister Pisa-a an inkawmna ah hian Chief Minister chuan Myanmar atanga raltlante buaipuia chhawmdawlna pek chu Volunteer a thil tih vek theih a ni lo tih a hriatpui thu leh, NGO te hmalakna chu fakawm a tih thu a sawi a. Hemi atan hian sawrkarin pawisa a sanction thu leh, a chhuah tep thu hrilh in, theihtawpin sawrkarin hma a lak zel tur thu a sawi bawk. Chief Minister chuan sawrkar laipui-ah pawh raltlante tan chenna tur leh ei leh bar a chhawmdawlna tur a ngen tawh thu leh, nasa taka nawr zui zel a ni tur thu a sawi bawk.

He hunah hian ruihhlo do kawnga sawrkar leh YMA thawhhona chungchang sawi a ni bawk a. Chief Minister chuan thawhhona tha tak neih a, chak zawka hmalak chu tha tiin, COVID-19 hrilengin zia lam a pan hunah Committee pui din a theihtawp a hma lak tha a tih thu a sawi bawk a ni. Nimin-a he inkawmna ah hian Central YMA hruaitute hi an President, Vanlalruata chuan hovin Central YMA Office Bearers te an tel kim thei a ni.

Comments

Chhiar Hlawhte