Latest News

Doctor sawn avanga harsatna hi

Doctor sawn avanga harsatna hi

Tunhnaiah Serchhip District Hospital-a thawklai Doctor pakhat chu hmundang a awm turin sawn a ni a. Hetihlai hian amah thlaktu tur dah a nih loh avang leh he Doctor sawn turin ‘thiamna bik’ a neih chu Serchhip khua in a mamawh nia hriat a nih avangin khawtlang chuan sawn lo turin emaw, amah thlaktu tur emaw dah turin sawrkar an kar mek a. Tunah hian hemi kawngah hian hmalak mek zel niin engtiang chiah in nge boruak a kal zel dawn hriat a ni rihlo a ni.

Hun engemaw kalta atang khan Mizoram-a Doctor te awmna hmun siksawi a nih hian harsatna a thleng ta fo mai a, Doctor sawn avanga kawngpui dan leh pawi lian zawk thlen phahna te pawh a awm ta fo mai. Hei hi khawpui lian zawkah chauh pawh ni lovin thingtlang khaw te zawk, Doctor pakhat chauh awmna thlengin hetiang harsatna hi a thleng mek zel niin a lang a, tun anga kan ramah Doctor indaihlohna a thleng zel a nih phei chuan he harsatna hian min la tibuai nasa tial tial dawn ni te pawhin a lang a. Hei vang hian kan sawrkar pawhin Doctor hrang hrangte awmna hmun siksawi dan kawngah hian ruahmanna mumal zawk leh kalphung tha zawk a neih a ngai chho zel dawn niin a lang.

Doctor te hi kan hriselna kaihhnawih a kan pan nasat leh mipuite tana tangkai tak, an tel lova kan awm hleih theihloh a ni a, hei vang hian khawpui atanga thingtlang khaw kilkhawr ber thleng pawh hian an pawimawhna hi a danglam chuang lo. Hei vang hian kan sawrkar pawh hian Doctor awmna hmun sik-sawi apianga lungawilohna leh harsatna awm thin te hi hre rengin, heng harsatna a thlen zui lohna tur hian ruahmanna thar a siam a tul ta hle niin a lang.

Comments

Chhiar Hlawhte