Latest News

Vegetable Supply Chain kalpui turin sawrkar ngen

ZPM Legislature Party (ZLP) chuan sawrkar chu a rang thei ang bera Vegetable Supply Chain kalpui leh turin an ngen.

ZLP hi nimin khan thukhawmin COVID-19 hripuiin Zoram mipuite min nghawng dan an ngaihtuah a, sawrkar chu hma a lakna turah thurawn pek tha an tih thu sawiin, Zoram-a kuthnathawktute ei bel ber, an thlai tharchhuah awmze nei thei lova awm mek chu Sawrkar tan mutmawh hnarmawh-a neih a, buaipui a hun an ti takzet tawh tih an sawi a, COVID-19 vanga harsatna nasa tak tawk mek, kuthnathawktute harsatna sutkian a nih ngei theih nan Vegetable Supply Chain chu kan Sawrkar in a rang thei ang ber a kalpui leh tura an phut thu an sawi a ni.

ZLP chuan nitin-a eizawnga chhuak thin ten lockdown chhungin engmah an thawkchhuak thei lo tih pawh sawiin, chhungkaw tam tak chu leiba thahnem tak nen an awm mek tih an sawi a. “Heng mite harsatna sukiang tur hian kan sawrkar hian SEDP (2021-22) hnuaia vbc.400 dah atang hian Electric Bill leh Tui Bill tum sak turin kan ngen sak tak meuh meuh a ni,” an ti bawk.

Comments

Chhiar Hlawhte