Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

Mipui inhlawhna siam sak

Serchhip Chanmari Village Council chuan hri leng avanga mipui khawsak harsatna thleng mek phuhrukna atan nimin atang khan an huamchhunga chhungkaw hrang hrangte tan inhlawhna an siam sak.

Serchhip Chanmari VC te hnen atanga thu kan dawn danin Serchhip Chanmari VC ten ni 100 inhlawhna, MGNREGS sum atanga khaw-tlang hnathawhna tur sum an dahkhawm atangin he inhlawhna hi siam niin an huamchhungah hri leng avanga inkharkhip kalpui mekah mi tam takin hun rei tak chhung hna an thawh mumal theihloh avangin hemi hmalam hian inhlawhna tur duh zawng zawngte chu in hriattir turin an ti a. Heng in hriattir te atang hian hri leng laka mipui an him theihna tura kaihhruaina siam te zawm chungin nimin khan mi 30 tan inhlawhna hi siam a ni a, hetiang hian nitin mi 30 tan inhlawhna hi siam tur niin Chanmari Veng Lane hnuai PCC Slab hmanga chhun hna an thawk a ni.

Serchhip Chanmari VC te chuan tun tuma PCC Slab chhun tur hi meter 450 vela thui a ni tih an sawi a, kawng awmsa chu khawl hmanga laihzauh leh siamrem a nih hnuah PCC Slab-a chhun a nih thu an sawi a ni.

Comments

Popular News (Last 30 Days)