Convex Mirror tar tha leh

/

Serchhip khawpui chhunga kawng peng-thuam pawimawh pathum ah Serchhip Traffic Police ten Inrinni khan Convex Mirror an tar.

Serchhip khawpui chhungah hian kum 2014 khan kawng pengthuam pawimawh zual hmun 4- Ser-chhip Bazar (Hospital peng), AOC Veng (P&E peng), IOC Veng (DC Office peng) leh New Serchhip (College peng) ah te District Transport Officer (DTO) Office hmalakna in Convex Mirror hi vuah a lo ni tawh a. Heng te hi a tir lamah tangkai takin hman ni mah se a hlui deuh hnuah erawh hman tlak a ni ta meuh lo a ni.

Hei vang hian Serchhip Police thuneitute chuan thuneitu sang ah Convex Mirror hi 10 dil lehin tunhnai khan pathum an dawng a, heng te hi Inrinni khan Serchhip Traffic Police te chuan hnatlang in a tar hna an thawk a, tun tumah hian Serchhip IOC Veng-a DC Office peng leh Police Station peng bakah Serchhip Bazar-a Hospital peng-ah te dah a ni a, Police hotute chuan Convex Mirror an dah chu mipui ten tangkai taka an hman an beisei thu leh uluk takin enkawl tlang tura an beisei thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »