Harsatna tawk te tan CMRF ruahman leh a ni

/

COVID-19 hripui leng avanga Lockdown puan chhunga harsatna tawk, chhuanchhamte tanpui nan leh COVID-19 avanga harsatna tawk te tan Rs. 117,46,000 semchhuah a ni leh dawn.

Chief Minister’s Relief Fund (CMRF) hman dan tur ngaihtuahtu Committee on Utilization of Chief Minister’s Relief Fund for COVID-19 chu nimin khan an Chairman leh Chief Secretary, Lalnunmawia Chuaungo hovin Chief Secretary’s Conference Hall-ah an thukhawm a, he thtukhawm ah hian hripui leng avanga harsatna thleng mek thlirin Aizawl District chhunga chhuanchham LLTF ten Aizawl DC hnena report an thehluh - chhungkaw 3063 tan Rs. 61,26,000/- dah nise an tih bakah Lunglei DC kutah cheng nuai 10 leh District dang zawng tan cheng nuai 5 theuh dah nise an ti a ni.

Hei bakah hian Vairengte-a Golgotha Camping Centre harsatna tawh mek chungchang sawiho niin he Centre-ah hian mi 40 zet COVID-19 hri kai an awm tawh thu leh Camp chu Quarantine Centre anga hmangin hri kai ve lo te pawh quarantine vek an ni tih sawilan a ni a. Golgotha Camping Centre tan hian cheng nuai 1 dah an rel bakah Mizoram pawna COVID-19 hri kai, an awmna State-ah leh Mizoram lamah pawh chhungte belh leh pur tur nei lo, harsatna lian tak tawk mek mi pahnih hnenah chhawmdawlna sum cheng singkhat ve ve hlan ni se an ti bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »