Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Aizawl Zoological Park-a Sakei dahna tur enfiah

Nimin khan Environment, Forest & Climate Change Minister, TJ. Lalnuntluanga chuan Aizawl Zoological Park, Sakawrtuichhun tlawhin Sakei dahna tur hmunhma a enfiah.

Aizawl Zoological Park-ah hian Sakei dah turin a awmna tur (Enclosure) chei that mek niin tunah hian zawhfel tep a ni tawh a, kumin chhung hi chuan Sakei hi dah hman beisei a ni. Heng hmun te hi Minister TJ. Lalnuntluanga hian tlawhin a enkual a, Aizawl Zoological Park tih hmasawn zel tum anih thu leh hun remchang hmasa berah Department-a hotute nen a hmunhma te pawh tlawh a, thil tih dan tur a hmunah ngei sawiho tura ruahmanna siam anih tur thu a sawi.

Minister hi DCF (Wildlife) Lalnunzira leh Range Officer Immanuel-a te'n lo dawngsawngin Minister hian thing a phun nghal bawk. Aizawl Zoological Park hi COVID-19 hripui leng avangin mipuite tan tlawh theihloh tura khar chhunzawm zel a la ni.

Comments

Popular News (Last 30 Days)