Vawk thi 54 awm belh leh

Nimin khan Serchhip District-ah Vawk thi 54 zet chhinchhiah belh leh a ni.

Nimin-a AH& Vety Department report atanga a lan danin nimin a Vawk thin chhinchhiah thar 54 zinga 18 te hi ASF hri lenna-a puan tawh te ami a ni a, Thenzawl-ah Vawk 10 zet thiin Chhiahtlang-ah 5 leh New Serchhip-ah pathum an thi bawk. ASF hri lenna hmuna Vawk thi hi Serchhip District chhungah 589 zet a awm tawh a ni.

Nimin report-ah hian Vawk hri lenna a puan ni lo District chhung khaw 6-ah Vawk thi 36 zet a awm bawk a, heng zinga 23 te hi Hriang-tlang khua ami an ni a, Serchhip Dinthar Veng ah Vawk 6 thih belh lehin Chhingchhip Mualpui ah 3, Serchhip Vengchung-ah 2 leh Chhim Veng leh Field Veng-ah Vawk pakhat ve ve a thi leh bawk a ni. Serchhip District chhunga chhan hriat loh a Vawk thi zawng zawng hi 218 a ni tawh a, heng te hi an RAT hmanga Sample enfiah ah ASF hri an kai nia hriat a ni a, hei vang hian hmunpui lamah enfiah turin heng Vawk sample te hi thawn thin a ni bawk.