Myanmar atanga rawn raltlan an pung zel

Myanmar rama buaina thleng avangin tunhnaiah Mizoram chhunga raltlan rawn lut an pung zel.

Myanmar ram buaina avanga Mizoram-a rawn raltlan hi Tuipuiral huamchhunga khaw 21-ah an awm mek nia chhinchhiah niin Farkawn-ah raltlan hi tam berin 1,055 an awm a, heng bakah hian Vaphai-ah 223, Khawbung-ah 172, Thekte-ah 165 leh Chawngtui-ah 151 awmin heng te hi raltlan tam zualna niin khawdang ah pawh raltlan hi an awm bawk a ni. Tuipuiral Group YMA hruaitute chuan Myanmar tualchhung buaina avangin mi thahnem tak Mizoram-ah an lo lut tih sawiin, mi engemaw zat an kir leh hnuah tun thla chawhma lam thleng khan Tuipuiral Group YMA huamchhungah hian raltlan rawn lut an pung leh mek a, tunah hian chenna tur indaihlohna avangin raltlan mi 480 vel chu Tiau lui kam lehlamah an la tangkhang mek bawk a ni.