Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

India aiawha Olympic Games-a tel tur Remsiami nuai 25 pe dawn

/

Tokyo Olympics Games neih tura India aiawha Hockey khel tura thlan, Lalremsiami chu Mizoram sawrkar chuan cheng nuai 25 a pe dawn.

Nimin-a International Olympics Day-ah Sports Minister, Robert Romawia Royte chuan he thu hi puangin, lawmpuina sum hmasa, cheng nuai 10 chu Vawiin-a Lalremsiami hlawhtlinna puala Thingpui inhona, CM Conference Hall-a neihah Chief Minister, Zoramthanga’n Remsiami Nu hnenah a hlan anga. A bak cheng nuai 15 chu Olympics zawh hnuah amah Lalremsiami kutah hlan a ni ang. Olympics Medal a la a nih chuan Sawrkarin hamthatna dang pawh State dangte tihdan enin a siam belhsak dawn a ni tih Sports Minister chuan a sawi bawk.

Mizoram Sawrkar chuan Lalremsiami’n Youth Olympics-a Silver Medal leh Asian Games a Silver Medal a lak khan chawimawina atan leh tih phurna atan cheng nuai 20 a lo pe tawh a, tunhnaiah a training tanpui nan Mizoram State Sports Council(MSSC) chuan Rs. 50,000/- a lo ruahman sak tawh bawk a ni.

Comments

Post a Comment

Popular News (Last 30 Days)