Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Mizoram-ah Pneumonia vaccine pek a ni tawh dawn

Pneumonia laka invenna tur, Pneumococcal Conjugate Vaccine (PCV) chu Mizoram-ah a thlawna pek theih turin nimin khan Health Minister, Dr. R. Lalthangliana chuan a hawng.

Mizoram pum-a hman tan tur leh Routine Immunisation – natna hrang hrang laka invenna a thlawn a chi 9 sawrkarin a pek mek belhchhahna tur, Pneumococcal Conjugate Vaccine (PCV) hawnna hunah hian Health Minister chuan Mizoram-ah ngei PCV a thlawn a dawn theih a ni dawn ta chu lawmawm a tih thu sawiin, hemi tihlawhtling tura Sawrkar laipui leh Mizoram sawrkar hmalakna ah lawmthu a sawi a. Mipuite pawhin PCV hi kan ngaihhlut a, hri laka invenna awm thei ang ang lak ngei ngaihpawimawh nachang kan hriat a tul thu a sawi bawk.

India sawrkar chuan kum 1985 khan Universal Immunization Prog-ramme (UIP) hi a din a, khawvel pum a Immunization programme lian ber niin Sawrkar laipui chuan UIP hi tilian zelin vaccine thar te pek belh zel a. He Programme hmang hian Mizoram-ah pawh Vaccine (hridanna) hi chi hrang hrang 9 - Tuberculosis (TB), Zenghri, Hepatitis B, Khawthalo, Diptheria, Pertusis (Khuh Hip), Tetanus, Haemophillus Influenzae type B, Measles leh Rubella te pek mek a niin tun atanga PCV belh alo ni takah chuan chi 10 lai kan lo nei dawn ta a ni.

Pneumonia hi natna hrik hrang hrang in a thlen theih natna a ni a, chung zingah chuan Pneumoccus natna hrik te hi naupang kum 5 hnuailam ah Pneumonia avanga damlohna leh thihna thlentu tam ber an ni a, chuvang chuan he natna laka invenna tha tak leh pawimawh tak a ni. He vaccine hian Pneumonia zawng zawng lakah naupang chu venghim lo mah se, pneumonia thlentu tam ber lakah hian a veng dawn a. PCV hi naute thla 1½-a tlin in lak tan tur a ni dawn a, thla 3½-ah a vawi 2-na lak leh tur niin a vawi 3-na atan naute in thla 9 a tlin hunah lak leh tur a ni ang.

Comments

Chhiar Hlawhte