Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

ASF vanga Vawk thi pung zel

/

Serchhip District-a Vawk hri leng, African Swine Fever (ASF) avanga Vawk thi chu 771 zet an tling tawh.

Nimin-a AH&Vety Department report-ah Vawk thi chhinchhiah thar 105 zet awm belh lehin heng zinga 44 te chu Thenzawl ami niin a dang 28 te chu East Lungdar ami a ni a, P&E Veng-ah 16 leh Chhiahtlang-ah 14 a thi leh bawk a ni. Heti hian Serchhip District-a ASF vanga Vawk thi chu 771 a ni ta a, New Serchhip-ah 251 thi tawhin Thenzawl ah 182, P&E Veng-ah 160 Chhiahtlang-ah 88, East Lungdar-ah 79 a thi tawh a. Serchhip District chhung khaw dang-ah chhan hriatloh a Vawk thi 272 zet a awm tawh bawk a ni.

Comments

Post a Comment

Popular News (Last 30 Days)