Latest News

Thenzawl-a Sangha mantu te lakah FIR thehlut

Serchhip-a Fisheries Department chuan tun-hnaia Dan phalloh a Sangha mantute lakah FIR an thehlut tih an sawi.

Fisheries Department hian May 31, 2021-a Thenzawl bul Tuihnial lui-a dan phal loh Chinai hmanga Sangha mantu mi 10 te lakah June 1, 2021 khan Thenzawl Police Station-ah FIR an thehlut a, heng mite hi Court-ah hruai ni tawhin, Police ten Chargesheet an buatsaih mek nia thudawn a ni. Zirtawpni zan leh Inrinni zing khan Thenzawl Kanan Veng-a Task Force duty leh Forest Department te chuan dan phalloh-a Tlawng lama Sangha mantu Thenzawl lam mi 3 man leh bawkin Inrinni khan FIR thehluh leh a ni bawk.

Serchhip District Fishery Development Officer, Lucy Lalrinpuii chuan tunhnai Lockdown chhunga dan phal loha Lui-a Sangha mantu mi 13 te hi Dan anga hrem an nih theihna turin an lakah Thenzawl Police Station-ah FIR an thehluh thu hi sawiin, heng mite man an nih theih nana hmalatu zawng zawngte chungah an lawm hle tih a sawi a. Dan bawhchhia te dan anga hrem an nih theih nan theihtawp chhuaha hmalak zel an tum thu a sawi bawk.

Comments

Popular News (Last 30 Days)