Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Vawk khuahkhirh zel a ni

Vawk natna hri, African Swine Fever leng mek avangin Serchhip District Magistrate chuan khapna thupek a tichhuak.

He thupek a tihchhuah ah hian Serchhip Dsitrict Magistrate chuan mi tumah in ramdang (Foreign Countries) leh State thenawm atangin Vawk, Vawksa leh Vawksa atanga thil siam reng reng an lalut tur a ni lo tih tarlangin, Mizoram chhung District dang atanga Vawk lakluh leh thawnchhuah pawh khap a ni a. Serchhip District chhung khaw dang atanga Vawk lalut tur chuan VC leh YMA lehkha leh Veterinay Health Certificate, bialtu VFA hnen atanga neih tur a ni a, Vawk hrisel tha chauh talh thin tur a nih bakah Vawk damlo hralh khap a ni bawk.

Serchhip District Magistrate, Kumar Abhishek chuan Section 144 of Cr.PC 1973 in thuneihna a pek angin Serchhip P&E Veng chhungah Vawk dam leh damlo talh/zawrh khap tlat a ni tih thuchhuah siamin a tarlang a, hei bakah hian Vawk, Vawksa leh Vawksa atanga thilsiam reng reng zawrh, lakluh leh lakchhuah khap a nih thu leh Vawk thi a awmin AH&Vety Department mithiam te rawn chunga tihral tur a nih thu a tarlang bawk. He thupek hi nimin-a tichhuah a nih atanga thla hnih (2) chhung huam tur niin thupek zawmlo te chu Section 188 IPC hmanga hrem theih an nih tur thu a tarlang bawk.

Comments

Chhiar Hlawhte