Doctor chhuah lo turin ngen

Serchhip District NGO Coordination Committee hruaitute chuan nimin khan Serchhip District Medical Superintendent, Dr. ZD. Lalmuan-awma hmuin Serchhip District Hospital atanga tunhnaia Doctor sawnchhuah chu lo chhuahtir rihlo turin an ngen.

Serchhip District NGO Coordination Committee OB te hian nimin chawhnu khan DMS, Dr. ZD. Lalmuanawma hi a Office-a hmuin tunhnaia Mizoram sawrkar in Ser-chhip District Hospital atanga Dr. Lalnun-hlima Khiangte sawn tura Order a tihchhuah chung-changa an lungawilohna leh hma an lakna te an sawi a. Tunah hian Health Minister hnenah hemi chungchang hi an thlen tawh thu sawiin, sawrkar in ni 15 chhunga Doctor sawn hi a hna zawm turin ti mah se sawrkar in thuthar a nei a nih loh chuan Dr. Lalnunghlima hi lo chhuahtir lo turin an ngen a. District Medical Superitendent pawhin sawrkar hotu lian te thu leh hla an ngaihchan mek thu NGO hruaitute hi a lo hrilh bawk a ni.

Nimin vek khan Serchhip Thalai Pawl (STP) te pawhin District Medical Superintendent hi a Pisa-ah hmuin Dr. Lalnunhlima Khiangte sawn chungchang hi an sawipui a, STP te chuan he transfer chungchangah hian sawrkar-ah ngenna an thehluh tawh thu sawiin, hei vang hian Order thar a awm leh hma loh chuan Dr. Lalnunhlima Khiangte hi lo chhuahtir lo turin an ngen a ni. STP te hian Dr. Lalnunhlima Khiangte pawh hmu nghalin Serchhip-a amah thlaktu tur emaw, Serchhip-a a awmzui zel na tura order a awm hma chu Lunglei lama phei rihlo turin an ngen bawk.