Latest News

Chanchin thar thenkhat :

TNT tan tanpuina pe

Pathianni-a COVID-19 hri kai mi 528 zet hmuhna, Thutak Nunpuitu Team (TNT), Zuang-tui in COVID-19 hri avanga harsatna an tawh mek chhawk zangkhaina atan Committee on Utilization of Chief Minister's Relief Fund for CO-VID-19 ruahmanna in nimin khan CM Relief Fund for COVID-19 atangin Rs. 3,00,000/- pek an ni a. Central YMA pawhin TNT tanpuina atan hian Rs. 50,000/- pek rel nghalin tanpuina pe duh Branch YMA, mimal leh pawl an awm a nih chuan Central YMA kaltlangin June 25, 2021 thleng pek theih a ni tih an tarlang bawk. Hei bakah hian mimal thenkhat te pawhin TNT tan hian tanpuina pe nghalin Social Media kaltlanga vehbur khawn sak mek te pawh an awm bawk.


Special Cases QF siam a ni

Aizawl District Bawrhsap chuan thuchhuah siamin Aizawl District chhungah COVID-19 hri darh zel avang leh ruihtheih thil a buai, haw-na tur mumal pawh neilo vak rawlai tam tak an awm avangin, anni ho dahna tur bik, Special Cases Quarantine Facility atan Rajiv Gandhi Stadium, Mualpui, Salem Veng chu ruahman a ni tih thu-chhuah siamin a tarlang a. Hemi atan hian kaih-hruaina hrang hrangte a siam bakah mawhphur tur pawh ruahman nghal a ni bawk.


Dan bawhchhia hrem phut

ZPM Thalaite chuan hrilêng laka kan himna tura inkhuahkhirhna dân bawhchhiain June 19, 2021 khan Suppy Minister K. Lalrinliana; Congress Legislature Party Leader Zodintluanga leh MNF hruaitu thenkhat leh an thuihhruai mi then-khat te chu Zodintluânga Sangha dil, Buhchang-phâi-ah an intâwllên niin an sawi a. SOP kan hman mekah eizawnna kaihhnawih ni lova a huhova lui kal, ramhnuaia picnic-te chu khap tlat a ni tih sawiin, heng dan bawhchhetute hi The Mizo-ram (Containment & Prevention of the spread of COVID-19) Act, 2020 hmanga thubuai siam sak a, hremna pe ngèi tûrin thuneitute an phut thu an sawi bawk.


Inkhuahkhirhna dan thlirlet

Nimin khan Kolasib-ah an District chhunga Covid-19 hrileng do nana inkhuahkhirna kalpui dan thlirletna hun neih a ni a, he hun hi Kolasib District Bawrhsap, Dr. H. Lalthlangliana chuan kaihruaiin hmalakna hrang hrangte sawt zawk a kalpui a nih theih nan leh mawhphurna te inhrilh-hriat nawnna atan thutkhawmna hi buatsaih a nih thu a sawi bawk.


FAW in Vaimin bei nasa

Agriculture Department in an chhinchhiah danin kumin hian Mizoram-a Vaimin chinna hmun  Hectare 3441-a zau atangin Hectare 1318-a zau chu Vaimin kung eichhetu Pangang, Fall Army Worm (FAW) in khawih nia chhut a ni a. Thlai a tihchhiat dan, Infestation chu za zelah 37 vel niin loneitu chhungkaw 6834 vel zet chu FAW in a tibuai a ni.

Comments

Chhiar Hlawhte