Latest News

ZPM Thalai in ICU siam belh vat turin ngen

Zoram People Movement (ZPM) Party Thalai chuan thuchhuah siamin Mizoram-ah ICU mamawhna a sang hle nia sawiin, siam belh vat turin thuneitute an ngen tih an tarlang a, ZMC atanga hlawh la Nurse te chu an thawhna tura ko let vat tura an phut thu an sawi bawk.

Inrinni-a thuchhuah an siamah ZPM Thalaite chuan kan boruak kal mêk bâkah, thawktu zât leh ICU damlo awm zât ngun taka chhûtin ICU dang mamawhna a sâng hle nia sawiin, ZMC-ah hian chawhrualin nitin ICU-ah damlo 34 an awm reng ang a nih thu leh heng te hi Volunteer te nen Staff Nurse 50 in a vil hna an thawk reng niin a sawi a, thawktu zat leh ICU damlo chhutin ICU dang siam belh thuai a tul niin an thuchhuah ah hian an tarlang a ni.

ZPM Thalaite chuan sawrkar chu volunteer te phu tawk hlawh pe thei lovah puhin, Volunteer-a thawk tur Nurse a zawng reng chunga ZMC-a hlawh la mi 66 hmun danga thawk an awm chu an hriathiam theih loh thu an sawi a, sawrkar chu heng Nurse te awmna hi zawtin, “Sawrkar hian a ko let ngam lo em ni?” an ti bawk.

Hrilêngin na taka min luhchilh lâi leh ZMC hmuna thawk Nurse-te mahni nunna thâpa indai lo taka an thawh laiin sawrkar chu Health Care Facillity lam reng reng ngaihtuah duhlo leh muthlu der rei luia an ngaih thu pawh sawiin, a rang thei ang bera ICU siam belh tur leh, nurse duty-te indaihlohna nasa tak avânga hah taka an awm mêk lai hian ZMC-a hlawh la Nurse, hmun danga thawkte ko lêt vat tûrin an phût tih an tarlang.

Comments

Chhiar Hlawhte