Latest News

ZPM ten thilpek an hlan

ZPM General Hqrs. chuan nimin khan Ser-chhip bial chhunga khaw hrang hranga VLTF te hnenah hri leng dona kawnga a tul apianga hman turin tanpuina pawisafai an hlan.

ZPM General Hqrs. hruaitute hian nimin khan an Vice President, K. Sapdanga hova Serchhip bial hi rawn tlawhin thla liamta mai-a Serchhip bial Assembly bye-election neih zawh taka ZPM Candidate, Lalduhoma hneh taka thlantlin a nih avanga lawmthu sawina atan leh COVID-19 hripui leng mek avanga harsatna tawk chhungkua leh mimal te tanpuina atana hman turin Serchhip khawpui chhunga VLTF hrang hrang 12 te hnenah Rs. 4000/- theuh an hlan a, Buangpui leh Neihloh VLTF te hnenah Rs. 3000/- ve ve hlanin Thenzawl pawh hun remchang ah la hlan leh tur a ni ang.

Heng thilpek hlan tura rawn thawk-chhuak ZPM General Hqrs. hruaitute hi hri leng avanga fimkhur thu-ah Serchhip khawpui chhung rawn lut lovin Serchhip chhimlam kawtchhuah, Sailiamkawn-ah ZPM Serchhip Block hruaitute chuan lo dawngsawngin heng sum leh pai te hi an hlan a, Serchhip-a ZPM hruaitute chuan Veng hrang hranga VLTF Duty te hnenah sum leh pai te hi an hlanchhawng ve leh a ni. ZPM hruaitute hian Serchhip Bial chhung bakah Hrangturzo bial huamchhunga Keitum khua ah pawh nimin khan thilpek hi an hlan bawk a ni.

ZPM Serchhip Block hruaitute chuan Hri leng karah ei leh barah te, khawsak phung ah te mitin ten harsatna kan tawh laia ZPM Gen. Hqrs. ten Serchhip bial ngaihsaka thilpek an rawn hlanchu lawmawm an tih thu an sawi bawk.

Comments

Chhiar Hlawhte