Latest News

HSSLC Exam result tihchhuah niin kumin ah zirlai 87.80% in an pass

Mizoram Board of School Education (MBSE) chuan kumin a pawl 12, Higher Secondary School Leaving Certificate (HSSLC) Exam result chu nimin khan tichhuakin zirlai Exam zawng zawng 11,491 atangin 10,089 in an pass a, zirlai za zela 87.80 in pass in kum hmasa lam aiin result a tha zawk a ni.

Nimin-a MBSE in HSSLC Exam result a tihchhuah tak atanga a lan danin kumin hian zirlai Exam tura inziaklut 11,849 awmin an zinga 358 te chuan Exam lovin 11,491 in an exam tluan thung a, heng atang hian 10,089 te chu pass in Fail 1259 an awm a, Subject bat nei mi 143 an la awm bawk a ni. Kumin-a HSSLC Exam-a pass te zingah hian Distinction-a pass 1078 awmin 1st Division-ah 4560, 2nd Division-ah 3605 leh 3rd Division-ah 846 in an pass a, nikum khan zirlai 78.54% ten pass in kumin hian za zela 9.28 in result a tha zawk a ni.

Kumin-a HSSLC result chhuak-ah hian Arts-ah zirlai 8919 ten Form Fill-up in 8622 an exam a, an zinga 7520 te pass in 980 an Fail a, zirlai 122 ten Compartmental Chance neiin za zela 87.22 in an pass a. Distinction-ah 792, 1st Division-ah 3011, 2nd Division-ah 2917 leh 3rd Division-ah mi 800 in an pass a. Top 10-ah zirlai 16 langin Sylvia Lalhmingmawii D/o Centenary Thanga, Oikos HSS Aizawl chu pakhatna a ni.

Science-ah zirlai 2348 ten Exam Form Fill-up in 2299 an exam a, heng zinga 2052 te chu pass in Compartmental Chance nei 17 leh Fail 230 an awm a, za zela 89.26 in an pass a ni. Science-ah hian Distinction-ah 211 pass in 1st Division-ah 1311, 2nd Division-ah 507 leh 3rd Division-ah 23 an pass a, Top 10-ah zirlai 13 langin a pumpui-ah Lalengzauva S/o Lalthakima, St. Paul’s HSS chuan mark 470 hmu in pakhatna an ni bawk.

Commerce-ah zirlai 582 ten Exam Form Fill-up in 570 an exam a, heng zinga 517 te chu pass in Compartmental Chance nei 4 leh Fail 49 an awm a, za zela 90.70 in an pass a ni. Commerce-ah hian Distinction-ah 75 pass in 1st Division-ah 238, 2nd Division-ah 181 leh 3rd Division-ah 23 an pass a, Top 10-ah zirlai 11 langin a pumpui-ah C. Lalrintluangi D/o C. Lalduhawma, Oikos HSS Aizawl chuan mark 473 hmuin pakhatna a ni bawk.

Comments

Chhiar Hlawhte