Latest News

Minister in Agriculture Research Farm a tlawh

Agriculture Minister, C Lalrinsanga chuan nimin khan Agriculture Research Farm, Neih-bawi, Sihphir chu a tlawh.

Agriculture Research Farm a tlawhna ah hian Minister hian Department hmalakna hrang hrang a enpui bakah OP-12 Bio Fertiliser Production Unit building sak mek leh Bio Pesticide Laboratory bunna atan building sak mek te a tlawh a. Helai hmuna rannung, Microbes behchhana siam leitha, Bio Fertilisers siamna, OP-12 Bio Fertiliser Production Unit chu Sawrkar flagship programme, SEDP hmangin din mek a nih thu sawiin, loneitute leh kuthnathawktute tana thil chhenfakawm tak a ni dawn tih a sawi bawk.

Neihbawi-a Agriculture Farm-ah hian Vaimim, Behlawi, Béte, Sweet Corn, Zorin Bean te leh thlai dang chi hrang hrangte kum tluana chin thin a ni a, Changpat leitha (vermicompost) siam chhuah a ni bawk a. He Farm-ah hian Laboratory Complex awm bawkin tun dinhmunah Laboratory chi hrang panga (5) a awm mek a, chungte chu - State Pesticide Testing Laboratory, State Bio-fertilizer Laboratory, State Seed Testing Laboratory, Fertilizer Testing Laboratory leh Soil Testing Laboratory te an ni a. OP-12 Bio Fertiliser Production Unit leh  Bio-Pesticide Laboratory din tura hmalak mek niin a building te hi sak mek a ni.

Comments

Chhiar Hlawhte