Ni khat-ah hri kai 268 zet hmuhchhuah leh an ni

Niminpiah khan Mizoram-ah Sample 2443 enfiah leh niin heng atang hian COVID-19 hri kai 268 hmuhchhuah leh an ni a, Sample en atanga za zela 10.97 te chuan hri an kai a ni.

Niminpiah khan ZMC Laboratory-ah Sample 905 enfiah niin heng atang hian hri kai 53 hmuh an ni a, an vai hian Aizawl District-a Sample lak vek niin hri kai nen lo inkawmhnaihna neih avanga inkhunghrang lai an ni deuh vek a, mi 5 te erawh tunhnaia State pawn atanga rawn haw inkhunghrang lai niin la hriatchianloh mi pakhat a awm a, ZMC-a thawk hri kai pakhat hmuh ni bawkin hri kai zingah hian CCC-a chhungte awm avanga awm ve mi 2 an awm bawk a ni.

District hrang hranga TrueNat Laboratory-ah niminpiah khan Sample 122 enfiah niin heng atang hian COVID-19 hri kai mi 2 hmuh an ni bawk a, heng hri kai hmuhchhuah te hi Lunglei District leh Mamit District-a mi pakhat ve ve an ni a, Lunglei District ami hi hri kai tawh nen inkawmhnaihna nei a nih laiin Mamit District ami hi Dapchhuah khua, hri kaina hriatloh a ni thung.

Niminpiah khan Rapid Antigen Test hmangin Sample 1416 enfiah niin heng atang hian hri kai 213 hmuhchhuah an ni ve leh bawk a, heng zinga 168 te chu Aizawl District ami an ni a, an zingah hian Aizawl Saron Veng-a Sample Test runpui neih a hri kai hmuh mi 44 an tel a. Armed Veng-ah hri kai mi19 hmuh niin Dinthar Veng-ah 14 leh Bawngkawn-ah 11 te chu Veng mal-a hri kai hmuhchhuah tam zualna te a ni.

Heng bakah hian Lunglei District-ah hri kai 15 hmuh niin an zinga 14 te chu Lunglei khawpui chhung ami an ni a, Kolasib District-ah hri kai mi 12 hmuh niin Bairabi-a mi 6 leh Kolasib-a mi 5 an tel a, Siaha District-ah hri kai mi 6 hmuh niin Saikao-a hri kai 5 hmuh te chu hri kaina hriatloh leh chhui ngai an ni. Lawngtlai District-ah hri kai mi 6 hmuh niin Champhai District-ah hri kai mi 3 hmuh an ni bawk a, Saitual District-a Mimbung khua ah hri kai mi 3 bawk hmuh an ni.

Nimin khan Mizoram-a COVID-19 hri kai enkawl mi 122 te chu anmahni enkawlna hmun atanga chhuahtir an ni a, heti hian nimin thleng khan Mizoram-a hri kai hmuhchhuah chu 15,899 niin heng zinga 12,313 te chu enkawl dam an ni tawh a, hei hi hri kai hmuhchhuah atanga chhutin za zela 77.45 niin hri kai enkawllai 3514 an awm mek a ni.

Hri kai zingah nunna chan mi 72 an awm tawh :

Nimin khan Mizoram-a COVID-19 hri kai enkawl mi 223 te chu anmahni enkawlna hmun atanga chhuahtir an ni a, heti hian nizan thleng khan Mizoram-a hri kai hmuhchhuah chu 15,899 niin heng zinga 12,414 te chu enkawl dam an ni tawh a, hei hi hri kai hmuhchhuah atanga chhutin za zela 78.08 niin hri kai enkawllai 3413 an awm mek a ni.