Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

SWD Minister in naupai leh naupawm ten semchhuak

Social Welfare Minister, Dr. K. Beichhua chuan nimin khan a Office atangin 'Naupai tana Chawtha leh Hrisel' tih lehkhabu, Mask leh Infant Stimulation Chart te a semchhuak.

Pradhan Mantri Matru Vandana Yojana (PMMVY) kaltlanga nu naupai leh naupawm te hman tura Women & Child Development Department buatsaih heng bungrua semna hunah hian SWD Minister, Dr. K. Beichhua chuan naupai leh naupawm te hriselna atan sawrkar laipuiin programme tha tak a duan, PMMVY hi a nihna tur ang taka kalpui a nih chuan naupai hrisel lo a awm theih dawn lo tih sawiin, mipuiin tangkai taka an hman a duh thu a sawi a. PMMVY kalpui that ah Ser-chhip District in a zawnin India rampumah pakhatna dinhmun vawi hnih lai a la tawh tih sawiin, thawktute fakawm a tih thu leh Mizoram tan a ni tih hriain, thawktute chu theihtawp chhuah chhunzawm zel turin a chah nghal bawk.

PMMVY hi nu naupai leh naupawm te tana hamthatna tura sawrkar laipui scheme a ni a, nu in nau a pai leh a pawm chhunga alo inen-kawlna senso phuhruk nan Rs. 5,000 a thlawna dawn theihna niin Anganwadi Centre-ah inziah-luh tur a ni a. PMMVY kalpui thatah hian Mizoram chuan India ram pumah 4-na dinhmun a hauh mek a, he Scheme kaltlangin Mizoram-ah mi 23,527 in tanpuina an dawng tawh a ni.

Comments

Chhiar Hlawhte