Hmalak dan thlirletna nei

MGNREGS hnuaia tuihna tipung tura kum 2019 atanga kalpui tawh, Jal Shakti Abhiyan - Catch the Rain Campaign Serchhip RD Block a kalpui dan thlirhona chu nimin khan Serchhip BDO, Vanlalhmachhuana hovin BNRGSK Hall, P&E Veng-ah neih a ni.

He hunah hian Technical Assistant ten he ruahmanna hnuaia hma an lak dan leh hna an thawh dan hrang hrangte tarlangin, chak zawka hmalak dan turte pawh sawiho nghal a ni bawk. RD Minister Lalruatkima chuan Jal Shakti Abhiyan - Catch the Rain Campaign hi kumin (2021) hian nasa leh zual a kalpui a ni tih tunhnai khan a lo sawi tawh a, he Campaign hnuaiah hian tuihna tipung thei tur leh ruahtui tla luanral tir mai lova lo dawng khawl thei tur Tuizem, Farm Pond leh Dug-Out Pond te siam tum a nih thu a lo sawi tawh bawk a ni.