Latest News

Vawk thi la awm belh zel

Serchhip District-a Vawk hri, ASF hri lenna ah Vawk thi 6 lai awm belh lehin, chhan hriatloh a Vawk thi pakhat a awm leh bawk.

Serchhip-a AH&Vety Department chhinchhiahna atanga a lan danin nimin chawhnu dar 1:00 atanga darkar 24 kalta chhung khan Serchhip District-a Vawk hri, African Swine Fever (ASF) lenna hmunah Vawk thi 6 a awm leh a, heng Vawk thi te hi New Serchhip huamchhung ami te vek niin Vawk puitling 5 leh Vawk laklawh pakhat an ni. Heti hian Serchhip District-a ASF hri lenna khaw 6-a Vawk thi chu 156 a tling ta a, Vawk thi tamna ber New Serchhip-ah Vawk 87 thi tawhin East Lungdar-ah Vawk 46, Keitum-ah Vawk 9, Chhiahtlang-ah Vawk 7, Thenzawl-ah Vawk 6 leh Vanchengte-ah Vawk pakhat a thi tawh a ni.

Darkar 24 kalta chhung khan Serchhip District-ah chhan hriatloh a Vawk thi pakhat a awm bawk a, hei hi Serchhip khua ami niin Ser-chhip-ah hian chhan hriatloh a Vawk thi 22 lai a awm ta bawk a ni.

Comments

Popular News (Last 30 Days)